Ichii

Ichii (Alijunaiki: dividivi) shia wane wunu'u chejewatka Antillas, palaaje sünain Ameerika Uuchimüin, Ameerika pasanainkat otta müsia uuchipünaa sünain mmakat Meejiko. Tü sünüliaka sientipikat sütüma alijuna shia Caesalpinia coriaria. Tü süjü waüiyeeka ichii aapanüsü süpüla alaajaa atairü. Otta müsia aapanüsü süpüla ajüjia otta müsia süpüla aainraa shupuuna. Tü wunu'ukat tüü eesü müin sa'in kulala sa'ato'upüna wane pinchi. Tü süpanaka aapanüsü süpüla shiküin mürüt müin sa'in paa'a, ka'ula otta müsia anneerü.

Eere Kolombia sünain tü mi'iraakat Reinado Nacional otta müsia Mi'iraakat saa'u Ichii yaa Süchiimma, Fiestas del Dividivi, sulu'u mmakat Wajiira, aainjünakat saa'u ka'ika 15 sünainmüin ka'i 19 juya'wai. Tü ichiika shia wane wunu'u yaajewalü yaaya sünain sukuwaippa wayuu. Mi'iraakat tüü kojutsu sünain kachiküin, tü akuwaippaakat otta müsia tü a'yatawaakat sulu'u mmakat otta müsia sünain sukuwaippa wayuu.

Tü Ichiikalü eesü Anaaka apüla müinka tü suchonko, Jakütapa anaasü sümüin jieyukalairua e a'in sümuin süshiitapa , jee eesü süpula eeiyajie amüralu müinka eikalee Shia.

Tü wunukalü ichiikai jouche'in supana ko'ochensü süchon wuitachensü josopa shiya shochensü ajütusü sumuiwa mmaaluu.Apaa'nusü piama shüshuchen

apoo'lojunüsü müinka sa'in supoolojia kepein asünüsü yotchon, anasü süpüla a'in sümüla wayuu, süpüla onoojüin ma'i kakua a'in ,maaka sumüin jieyuu ayuulin suchonlia jawalin sulu'upüna tü jietkalü , tü ichiikalü apoolojünüinjatü po'olooshi sushüchenyü ichiikalü sa'aka piama litüra wu'in payutpa shia aika'lainjatü so'u toowa sümaa payulu'in ichiikalü.