Ameerika Uuchimüin

Ameerika Uuchejeeru'ukat (Alijunaiki: América del Sur) shia tü mma chejeekat o'unüin unaapünaajee sünain mmakat mioüsükat Ameerika. Ecuador pasanainsü sunain Ameerika Uuchejeeru'ukat shia aapaka miyou sa'ata mma sünainje Ameerika kajamüin chaain achirua sunainje mmakat Ameerika iipunaamüin.

Tü Ameerika Uuchejeeru'ukat kotpünaasü tü palaa kanüliakat (Atlántico) palaajeeru'u otta sulu'u wuinpejeeru'u; jee müsia sulu'u wopujeeru'u kotpünaasü tü palaa kanüliakat (Pacífico) pikaa wanee sunainje wopumüin siia tü wanee chaa wuinpumüin, siia tü Palaaka Kariwe (Mar Caribe) sumaa Wuinka Atülantikaa antusu soou Ameerika Uuchimüin palaamüin sunain siia mólümüin sunain. Sumioüshe mmakat shiia 17,8 miyon Km² tü makaá shiia 42% sumioüshe mma Ameerika siia 12% sunainje mmakat supushuwale, kepiasu sulü 6% tü wayuukaliru soou mmakat.

Sulu'u Ameerika Uuchejeeru'ukat eesü 12 (po'loo piamamüin) mmakat, tü Shia: Wurasiirü, Arüjentiina, Woliiwia, Chiire, Kolomwia, Ekuwatoorü, Kuyaana, Parawaai, Peruu, Surinam, Uruwai shia Wenesueela akaajaa tü eeitpa karaloukta kalu'ukot mmakat chejee palaa Kariwemüin saa'in Türinitaa je Towaako süka pejein sünain Wenesueela sa'atou süpalaashe.

Tü mmakat antaka sunain Palaa Kariwe Shia Kolomwia, Wenesueela, Kuyaana, Surinam shia Türinitaa je Towaako jee müsia Kuyaana Püransesa (Mmakat sainjüin Püransia) sumaa Aruuwa, Kurasai otta müsia Wonaire sainjaka Mmakat Molükoo (Países Bajos) tü maka erajunusu sukaa anülia Kariwe Ameerika'nain Uuchimüin (Caribe Sudamericano).

Siia chejekaa molümüin sunainje Ameerika Uuchimüin tü Wurasiirü, Arüjentiina, Chiire siia Uruwai erajunusu sukaa anülia Konoo Mólümüin.

Cha saau Mmakat eesü anaa kepia sutuma anaain sukuaippa sütüma eein maima kasa sulu'u müin saa'in tü Palaa, tü Wuitushiika, eesü washirüü sulu'u ; Kolomwia je müsia Wenesueela kama'anasü Palaa Kariwe, sulu'usü tü mmakat uuchikat Andiino je sulu'usü tü mmakat chejee Amasonaas sütüma tü makat maima washiraka sulü tü miamaka mmakat siia maima kassa sulü müin sain Uuchi, Palaa, Juyaapüle Uuchimüin, Shawajale Wuin, Maa Aapünajie, siia ekee ein soou mmakat tuirúa, eesü supüla shiian tü Mmakat Washitshataka soou Maa supushuwayale