Manuel Román Fernández
Manuel Román Fernandez (Jemeishi kantaraalia (La Candelaria- Guajira Estado Zulia- Venezuela) ka'i mekisat kashi maatsou no'u juya po'loo po'lootua shikii mekietsat aipirua shikii piamamüin (1962) - ouktushi Maiko'u (Kolompia) ka'i mekietsat kashi nouyempüre no'u chi juyakai 2021.
Nüshiirua naya'a
[anaataa | anaatawaa suurala]Rumaan sirwa wayuu ja'yaliyuu otta müsia Ema juwana petnante wayuu ja'yaliyuu. Niakai nia chi pasanainjachikai nanainjee pienchi nuwalayuu so'u nii naya Sakaria iwan petnante, sesiria marakariita petnante, jaira Antonia petnante.
Ja'rai nüchonyuu.
Erikajaashi tepichiiwa nia sulu'u tü ekirajüleeka Walerü (Escuela Básica Nacional Guarero) mo'ulu yaa sünulia tü ekirajüleeka shia Juransika Wawini (Escuela Técnica De Artes Presbítero Francisco Babbini)
Tü nütujaaka apüleerua
[anaataa | anaatawaa suurala]Ekirajüi wayuunaiki sulu'u tü ekirajüleka Fe y Alegría Palawaipo'u nümaiwa. Ashajüi, ekirajüi achajaakai waneepia atüjawaa soo'opünaa nakuwa'ipa naa wayuukana otta a'walakajüi pütchi sulu'upünaa raawia.
A'yataapüshi sünain ashajaa sulu'u Karalo'utaka Wayuunaiki namaa naa wayuunaka chejee Wenesueela otta müsia Kolompia sünain aküjaa pütchi saa'uje tü sukuwa'ipa wayuu otta saa'uje tü kee'ireeka naa'in süpüla aka'apülaa sütchin wayuunaikika sulu'u tü a'walakajütka pütchi. Ashajapü'üshi saa'uje tü oshokonojuushi, eere waraittuin nia süpüla ekirajaa otta süpüla yoota saa'uje pütchika tüü müsü nünüiki: ¨tü oshokonojuushikat müsü saa'in sukuwa'ipa tü washajüinkat, eesü wanee pütchi sulu'u süpüla natüjaainjatü aa'u waya wayuukana¨.
Ouktüshi niakai sünain chi juyakai 2021 cha Maiko'u süsit wane wanülüü COVID-19 münüsü, nüma'ichiki süpüla ouktüin nia aashajaashi niakai saa'uje wane kasa nüntaka anain sünain waraitta wajiirapüna, tü nousutaka anain naashin shia eeka sulu'u mmakat Wajiira cha sümaiwa, müsü nünüiki: ¨tü uuchikalirua cha Wajiira pasanainpü'üsü sünain palaaka Atlántico; eesü süpüla ansülaain tü wüinka suulia mmakat sutuma sujutuuin wane ipa saa'u, süchiki tia ajuittusu tü mmakat eere eejatüin tü palaakat sümaiwa¨[1]
Ee'iyatia waleketpülee
[anaataa | anaatawaa suurala]Ouktüshi Maiko'u chi achajaakai atüjawaa soo'opünaa nakuwa'ipa na wayuukana Manuel Román Fernández