George Lavarca
|
George Lavarca (La Concepción, Suuria, Wenesueela, 29 soo'opünaa nouyempüre no'u chi juyakai 1992) akumajüi jee aashajaai saa'u akua'ipa, wayuu nia, Jayaliyuu ni'iruku. Ojuitüshi sulu'ujee tü Ekirajiapülee Suuria süpüla a'yatawaa sünain Akumalaa jo ejeerajaa, tia no'u chi juyakai 2015[1].
Nukuwa'ipamaajatü
[anaataa | anaatawaa suurala]Jemeishi sulu'u tü mmakalü Concepción, uuchejee sünain Marakaaya, sulu'u tü mmakalü Jesús Enrique Losada cha'aya Suuria, tü niika wane wayuu Jayaliyuu, George Lavarca nia wane akumajüi ojuitakai sulu'ujee tü Ekirajiapülee Suuria, nipia tia sünain achecheraa tü nukua'ipaka sünain tü nüsa'awateeka naa'in müinka tia akumajaaka otta tü e'inaa tü nukumainka. Tepichi'iwa nia tü ni'yataaka anain shia tü na'yataaka anain na wayuukana kepiaka wuna'apü, müinka saa'in tü arüleeja mürülü.
Jima'aiwa nia waraittushi waneepia süchiirua tü ke'ireeka naa'in süpüla nüsa'awajaain tü nu'unaka achiirua, shia aja'laje'eraa tü nikirajaaka anain. Süja'lajaapa nutuma o'unushi cha sünain alijunapiapa'aka Karaaka süpüla ee'iyataa tü ni'yataainka otta süpüla jutkatawaa sünain eere outkajaain na a'yataashikana sünain akumajaa[1].
Nikirajaaka anain
[anaataa | anaatawaa suurala]Naja'laje'erüin tü nikirajaaka anain sünain tü Akumajawaaka sünain ejeerajaa no'u chi juyakai 2015, tia nüsa'awatüin sümaa nüpüshi otta natunajutü sükajee nükaalijünüin natumairua sutuma anain naa'in namüin sükajee nian chi achecheraainjachikai sukua'ipa otta aapawaa tü shi'iyaakuwa aainjaa jee tü aa'innawaaka süka jiitpai, wanaa sümaa sukua'ipa aainjawaaka. Tü nüshikalüirua apaajiraashi tepichi'iwai nia, sutuma tia tü niika a'yataasü ma'in süpüla achajawaa nakua'ipa tü süchonniika, ja'itaichi George a'yataashi süpüla niya'lajaain tü nükoroloka otta tü nüsapia supüla o'unaa sünain tü nikirajaaka anain sulu'u tü Ekirajiapüleeka. Jima'aliwa nia müliapüshi sutuma oo'ulakünüin naa'in sutuma tepichi mojulaaka nümüin sulu'u koleejiakalüirua, müsia niakai lotusu tü nukua'ipaka sünain tia sutuma pansaain tü nikiiruka sünain tü aashajaanaka nümüin sutuma tü nüpüshika, otta tü niika sutuma anoujain shiaka nünain Ma'leiwa, shiaka nikirajaain niakai sünain lotuin tü naa'inka sulu'u tü nakua'ipaka[2].
Nukuwa'ipa sünain akumajaa
[anaataa | anaatawaa suurala]Tü nukua'ipaka George sünain akumajaa a'akülaasü sünainje nüja'laje'erüin tü nikirajaaka anain otta ejiraain nia sünain tü ee'iyataaka na'yataain sünain wane outkajawaa aainjünaka süpüla tia sutuma FEDA, ¨El destete¨ amünüsü tia eere ni'iyatüin ni'yataain sulu'u tü Museo de Artes Contemporáneo del Zulia (MACZUL) no'u chi juyakai 2016. Süchikejee ekirajüshii sümaa nu'unüin sünain tü ee'iyatawaaka tü numukainka. No'u chi juyakai 2018 o'unushi sünain tü ee'iyataaka Arte y Sociedad: Jóvenes Creadores Venezolanos, (Centro Cultural BOD, Caracas), no'u chi juyakai 2019 o'unejaanüshi sünain tü ¨Por Los Caminos Verdes Venezuela a 250 años de Humboldt¨ (Hacienda La Trinidad Parque Cultural, Caracas) otta sünain tü ee'iyataaka Wale'kerü (Araña), 5ta Residencia en el Museo Alejandro Otero, La Rinconada Caracas[3]. Sünain chi juyakai 2020 eejachi sünain ee'iyataaka ¨E'iruku jimajimatshi¨ wane ee'iyatawaa sulu'upünaa kachuweera jee tijitaalüin eere aashajaanüin saa'u tü asürülawaaka sutuma tü wanülükalü COVID 19[4]. George Lavarca ni'iyatüin waneepia sünain tü nukumajaaka tü aainjaa wane kasa sümaa tü eekalü wajapülü, jo ni'iyatüin weinshi sulu'u tü ni'yataainka tü nakua'ipa na wayuukana, jülüjüsü naa'in waneepia tü saashajaaka tü noushikalü ee'iwa shia sulu'u mmakat.