Roo sümaa siina

Roo süma siina (alijunaiki: arroz con carne soleada) Süchiki roo süma siina, shiküin wayuu sümaiwa, alakajaanüsü süka wuin süma ichii ma'akasat seita, tü shi'iruku paa, anneerü müsia ka'ula, eiru'utnusu süpüla akaashajüna tü asalaakalü kettaapa eiyajünüsü süka ichii watta saali, asüsiinajünüinjatü sutuma wayuu so'u piama ka'i süpüla josolüinjatüin sutuma süwarala ka'i, mapüleesalü sü'lakajaaya nnojotsü cho'ujain wattain saali kasa saa'aka. Shia sükua'ipa eküülü kaka'liairü sutuma wayuu, mo'ulu yaa waimaitpa kasa e'itaanakalü saa'aka, eeyülia tü wayuu ainmajakalü tü sukua'ipa shiküin aka alin tü jamükalü mo'utpünaa yaa cha'ya wajiira maka sainküin mmapa'akalü supushuwa'aya.

Sujutu shiküin wayuu

Mainma eküülü ainmajüneeka akua'ipa mo'ulu yaa aka ain saali jamü, ekirajüneeshi na tepichikanainua natuma naa laülayuukana sünain sükua'ipa tü asüsiinajaakalü asalaa suulia nnojolüin nojutüin tü asaalakalü nantakalü anain, suulia jawairain nee natuma, sümaiwa naimajüin na laülayuukana akua'ipaaka tü, joolu'u naa tepiichikanainua nojotsü ne'erajüin, mo'ulu choujaasü natüjain so'u shia saa'a su'unuin waneepia tü luusaakalü sainküin mmapaakalü, suulia jawalin nee'e tü na'asalaasekalü otta jo shia süka tü, na'inreerü tü asüsiinajaakalü muleka shi'itanuin shikii napüleerua. Nnojotsü anain süpüla amulo'injatüin tü akua'ipaaka.