Muurai

Muurai.

Muurai (alijunaiki: Poponax tortuosa) Shia wane wunu'u una'apüsü; asotüsü sümüiwa'a, nnojotsü apünajuushin, emiyo'ulaasü sümüiwa'a. Tü muuraikalü mematüsü aka saa'in süpana aipia je keipüsesü, wainma ma'in shiipüse. Maloukatüsü süsii, ko'otocheiinsü, jemetüsü ma'in seejuu, antawaisü watta saalin ko'oi sünainmüin. Tü muuraikalü eesü sulu'u Wajiira süpüshua'a, wüittüsü waneepia, matüjüisalü julaa. Tü süpanakalü muurai, tü süchonkalü je tü süsiikalü, shikaajüin ma'in kaa'ula je anneerü; kaüsü ma'in sütüma. Tü muuraikalü süsawa'atüin piama "metro" saja'apüin.

Tü ayuulii shiiyajakalü

Wainma tü anakalü apüla tü muuraikalü

Tü süchonkalü anasü süpüla kakuwaa aa'in je süpüla oonojoo; achinnüsü je a'lakajünüsü, asüna müsia kettapa.

Tü süpanakalü a'lakajünüsü je o'oojünüsü süpüla sülatia lapü. Otta a'ajünüsü tü süpanakalü je tü shiipüsekatü sa'ato'u wane miichi süpüla akayale'eria yolujaa.