Meruuna

Tü Wikipeetia
Meruuna Wayuu

Meruuna (alijunaiki: melón) wanne apünajushi, supünajuin wayuu ekajünüsu otta apünajünüsü juyaTü Meruunakat wanne apünajushi, supunajuin wayuu ekajünüsu otta apünajünüsü juyapülee, chi meruunakai nia chi apünajüi joüshikai otta ajüirrashikai sulu’uje tü mmakat, shialeeka shia süpushii napünajüin naa wayuukana ma'aka sain tü kalapaasükat otta tü iruuwakat.

Sünülia natuma na atüjaka ayaawata sukuwa'ipa tü wu'uliakalü shia momordica charantia.

Sumaiwa sunaije etüjulüin naa wayuukana so’u tü mmapakat Wajiira, etüjülia tü apünajakat meruuna natuma naa wayuukana , chi meruunakai apünajünusü sulu’u tü yuujakat, otta jou’usuu sumaa jakütuin shia yalaa.

Nameruunain wayuu meitüinsat sulia shimeruunain alijuna, tü shiaawase nameruunain wayuu, kalüjülesu sulee otta jayasu tü shiawasekat epünalee jo’o suchotonajatüin.

Supula supünajünuin tü meruunakat ejitünusu tü sü’ükat sulu’u yuujakat otta yawasuu wanna sumaa süpünajunuin, esuu maakasain aipirua, musujusu shia makaa waimaleere shia, süka jamuin waimalee shia tumususu otta machon musiia shiaa, ayawatuneka nee tü sü’ükat, keraasu nee süka tiaa aipiruwasukat.

Sumaiwa paala nojotsü ayonnou tü sü’ükat sunain yalain shi supünajunuin, shiapüü nee tü jemiaikat antapüka nee so’u otta numaa chi juyakai makaa nimemajalee keraapusü nee süka tiaa, süka jamuin sumaiwa chi juyakai pejewapüshi, anapüsusee tü attiakat, mioulaasu nee otta cachonpüsunee sunaijee tiaa. Shiaasa joolu maulia choujasuu shiyonnao tuu attiekat supula cachonjatuin shia.