Wikipeetia:Ekirajaaya namüin na wayuukana

Tü Wikipeetia
Ir a la navegación Ir a la búsqueda

Tü aküjünaka achiki yaaya shia shii'iree ayaawatünüin tü sukuaippakat Wikipeetia otta müsia süpüla atüjaanüin saa'u natuma na wayuu anteenakana mapeena sünain ashajaa pütchi sünain. Müinma yaa ja'rai sukuaippainjatükat wanaa sümaa ashajünüin sulu'u:

Wikipeetia wayuunaikiru'u shia wane süpülajana sukuaippa wayuu sümaa jutatuin sukuaippa süpüla anaatünüin otta ashajünüin sulu'u. Akumajünüsü müinka saa'in tü karaloktakalüirua akatsa'a tijitaalüin otta jutatuin shia. Wikipeetia nnojotsü waneein pütchimaajatü otta nnojotsü süpülajanain karalo'uta eekai nnojoluin taashin otta müsia nnojotsü süpülajanain a'walakajaa pütchi. Wikipeetia nnojotsü waneein karalo'uta eekai kasachikimaajatüin otta nnojotsü akotchajülin web. Nnojotsü süpülajanain perulawaa otta nnojotsü süpülajanain a'walakajaa perulawaa; na ashajüshiikana sulu'u acheküsü nayaawatüin sukuaippa shii'ire nnojoluinjatüin ashajünüin sulu'u pütchi eekai e'ewalin ashajünüin sulu'u karalokta otta pütchi eekai nnojoluin shiimüin.
Wikipeetia achajaasü akumajaa «pütchi eekai pansaain», achajaasü ashajaa pütchi eekai lotuin otta eekai ayaawatünüin sutuma wayuu süpüshua'a. Süpüla kottuinjatüin süpüshua'a tü atüjalaka sulu'u acheküsü eeinjatüin sünüiki wayuu süpüshua'a, acheküsü ashajünüin tü kasa cho'ujaaka süpüla e'iyatünüinjatüin sümaa lotuin sukua'ipa, tü pütchika ashajünaka sulu'u Wikipeetia acheküsü anain süshajia otta kayaawaseinjatü tü kasa aküjünaka achiki sulu'u, nnojotsü süpüla ashajünüin wane kasa eekai aashajaain mojulu'ulu saa'uje wane pütchi otta pütchi eekai perulawaain ne'e müleka nnojorülee shiimüin shia. Süpüla kojutuinjatüin tü pütchika ashajünaka sulu'u Wikipeetia acheküsü asakitnüin wayuu laülaayu otta wayuu eekai atüjain süpüleerua wane kasa, otta müleka eere karalo'uta eekai ashajünüipain saa'ujee tü pütchika ashajüneeka achiki, eesü süpüla e'itaanüin shi'ipajee tü pütchika ashajünaka sulu'u Wikipeetia. Müleka eere wane pütchi eekai nnojoluin pansaain otta eekai mojuin süshajia, anaatüneerü shi'ipajee natuma na wayuu ashajüshiikana, otta eejeerü wane yootirawaa süsapo'ujee tü pütchika süpüla süchajaanüin sukua'ipa shii'iree anainjatüin.
Wikipeetia jutatsü sukuaippa, tü pütchika ashajuushika sulu'u ayaawatünüsü süka Licencia Creative Commons Atribución-CompartirIgual 3.0 Unported (CC BY-SA 3.0). Tü süpüshika eekalü sulu'u ayaawatünüsü süka tü Licencia de Documentación Libre GNU (GFDL). Mayaainje shiain sukua'ipa Wikipeetia tia, tü pütchika eekalü sulu'u eesü süpüla eitajaanüin sümüin wayuu süpüshua'a sümaa taashin sukua'ipa, makatka süküjakaa achiki türa pütchika iipünaaka. Jülüjaa paa'in waneepia, tü pütchika püshajaka achiki anaatüneerü sutuma mainma wayuu mapeena otta nnojoleena jia aapitnüin müleka anaatünüin mapa tü püshajüinka, süka jamüin tü pütchika malaamainsü. Tü kasa püshajaka paala eitajüneerü sutuma wayuu eepünaale shia. Puu'ula suulia epe'ipajaa tü pütchika püshajüinka sümaa karalo'uta otta ayaakuwa eekai kapüleein sukua'ipa otta müleka kaliain atumawaa. Müleka paapaalee sünüiki wane wayuu sulu'ujee wane karalo'uta acheküsü pi'itaain nünülia sünain otta müsia sünülia tü nüshajüinka.
Sulu'u Wikipeetia kojutusu wayuu süpüshua'a. Kojutaa pümüin nala wikimedistas wanaa pümaa, jai'tairua nnojoluin wanaawain pia namaa. Püchiaa paa'in waneepia. Puu'ula suulia a'ülüjirawaa sümaa wayuu eekai nnojoluin pi'raajüin otta piyaawata pünüiki müleka paashajaale sümaa wayuu. Püikale'era paa'in müleka eere wane a'ülüjirawaa pa'ato'u; nnojo püshapatüin müleka sü'wanajaanülee tü püshajüinka; jülüja paa'in eein 551 pütchi ashajuushi sulu'u Wikipeetia süka wayuunaiki cho'ujaaka süpüla anoktünüin sukua'ipa. Pükaalijaa wayuu eekai atüjaweein ashajaa sulu'u Wikipeetia, anamia pia sümüin wayuu süpüshua'a otta pa'aleewajaa namaa.
Wikipeetia a'wanajaawaisü weinshi sukua'ipa. Nnojo moluin pia sheema ashajaa, e'itawaa pütchi, e'irataa pütchi otta sünain anaataa ashajuushikalia eekai mojuin süshajia, süka jamüin, süpüla anashaatainjatüin tü pütchikat ashajünaka sulu'u Wikipeetia acheküsü aasheje'etnüin tü ashajuushika weinshi sutuma wayuu eekai atüjain süpüleerua. Nnojo moluin pia sheema anaataa wane kasa, jai'tairua sümojujaale putuma, anaatüneerü shi'ipa'aya. Tü kasa ashajünaka paala apütaasü wane suwala'ata sulu'u süpüla ale'ejünaa müleka sümojujaale tü pütchikat mapa. Süpüshua'a tü püshajaka sulu'u Wikipeetia yaleerü waneepia sulu'u internet napüla na wayuukana anteenakana mapeena sünain aashaje'era tü pütchi otta süpüla nayaawatüinjatüin nakuaippa.