Waratse

WARATSE ¿Kasa wayuu tü Waratse münaka?

Waratse wanee wünülia motsosu sajapüin , wuitüsü sünaa, jouchoin süpana, koichonsu , kasutulasü sütaa wayuu sutuma shipettirüi shia suka , sakasü mojui .

Kasa anaaka apüla tü Waratse münaka?

Waratse anaasü süpüla eiyajaa wayuu jee mürülü eekalü eikain , yoin , , jokomain , ishain jee ekalü oyotoin . Anaasü main , josomatüsü tü yoikalü sutuma .

¿Jamüsü sukumajia tü Waratseka süpüla eiyajaa tü yoika?

Cheküsü achuntüin kaliwaa sümüin Mma supayala weinshi süpüla eiyajaa suka tü Wünüliaka kaa wayuuin shiarua. Asütünüsü süpanaka , eitanüsü süpanaka marawiya saaka süpüla anaalein main shia , oyotunusu yotchòn wüin shira , ashejanüsü suluu wanee lüta, ashipittünüsü tü shiraka so'u tü yoikalü, eitanüsü sou so'u tü yoi eikakalü , e'iitanünüsü suka wamee külülü wülein sou yoika , oulakünüsü pünüintua süpüla ka'ika . Maayasü sulatüin apünüinka ka'i joserü jer aneerü tü yoikalü.