Tayakai jumaa tapüshi

Niitainrujutu wayuu, ma'ima julu'u ni'itku, ma'aka tayakai, kepiashi jümaa tei, müshia tashi. Eesü tamaa toushu, tatuushi mushi'iya tawalayuu. Eeshii waneeirua tawalayuuya'a naa'u tashi.

Tü napüshikana washi, kanüliasü atumawaa, rula, oo'upayuu münüsü o'unúsü juchiirua namanee otta müsia nakuwa'ipapala. naa juchonnikana wayuu tooloyu jumuin wanee wayuu jierü "Wachon, tachon" münüsü natuma naa oo'upayuukana. Maima jüyaawatiaka tü apüshiikalü atumawaa ma'aka: chi toolokai "Temeshü" muinjachi jumuin jii nu'wayuuse otta numaajatü jialen, "Tashimia" numataanchika'aka numuin wayuu jüshi tü wayuu jierü. "Ta'ülü" jumataainjatka'aka tü wayuu jierü jümüin nii chi wayuu jüwayuuse otta müsia wayuu jütünalüjuchi. " Ta'ui" jümüshi nüshi chii wayuu jümaajachikai. "Tayein" jümünataaka nu'wayuuse wayuu ala'ulaa. "Talüinyuu" jümünataaka nuwala wayuu toolo, namüin naa tooloyuukana julu'u juwalain tü wayuu jierü "Taanee" münüshi. "Te'iruma" jümünataaka wayuu julu'u tooloin otta jierüle jia julu'u palachin otta palajatüin jutuma wayuu nei, otta mushiiya nala achonluu eeka jajalajaayain jutma wayuu nei "Shale o shalechon" múnüshii atumawaa. "Te'erü" jümünataaka juwala wayuu eekai a'wayuuseein. "Taleshi" nümünaka'aya wayuu tooloin. "Tasiipü" jümünaka jüchonnii nuwala toolo. "Tachoinrü" jümünataaka juchonnii juwala wayuu jierü. "Rula" jümünataakalü jüpüshi wayuu eeka eerülüin otta a'wayuusein. "Waa'irü" nümataaka wayuu toolo nümüin wayuu nutunajutu eepünaale wanaain nia nümaa jünain waraittaa, otta mataasia wanaale o nüntiraale wanee wayuu toolo jumaa wayuu jierü "Jamaya pia nii wa'ira nümüinjatü amüin juulia julataalüin jüütpünaa juulia me'era nümüin jütuma wayuu jierú.