Taata Juya

Paala sümaiwa nojolüiwa'aya wayuu yaa soopünaa mmakat naya ne'e eejanaka ka'i juya kashi joktai je müsia tü shiliwalakalüirua sünain wayuuin naya ma'aka sukua'ipa wayuu sünain yootoo o'ulaka akumajaa sukua'ipa kasa süpüshua eeinjatkat mapeena. Niaka taata juya eein a'in ma'i sünain tü kasa eeinjatükat mapeena. -Aishaja jameetche eere kasa ma'aka wa'in wayakana sünain eein naya sünain kachoin- nüma kalaka Taata Juya. Anainja tayale o'ulaküin shia müshi sünain naapain Pulowi süpüla nuwayuusee. Nojot kalaka kachoin Pulowi nutuma Taata Juya. Shiasa mapa nümüraja kalaka Mma wanee jierü anasüche'echon ma'in so'u ka'ikat tia, alusa kachoinpainja Mma Nutuma Juya. Ojuittüsü palajana tü wunuliakalüirua je müsia tü mürütkalüirua yaakat so'opünaa tü Mmakat je sajattaapüshimüin eweetüsü wayuu sünain nünain nüchoin shia juya sünainje tü wüinkat.