Nüchikuwa atpanaa numaa uyaaliwa.

AKÜJALAA NÜCHIKUWA KO'IJAAPA NUMAA TAATA UYAALIWA

Naashin naa la'ulayuukana julu'u tü naküjalaka jumaiwale'eya ma'i chii uyaaliwakai wanee wayuu ouutshi e'rajushishaana ya'aya julu'u mmapa'akat paala jumale'eiwa'aya ma'i. Taata uyaaliwa wanee wayuu pülashishaata ma'i ja'akaje tü wayuukaluirua jumaiwa jupushuwa'ashaata tü nümakat wanee kasa pansaasü julu'u lotuin jukuaippa, kojutushaanashijese'e nia atumawaa jüka wanee wayuu laülaa mülo'in julu'u pülain nia jaa müsü tü wayuukalüiruwa nümüin.

Taata uyaaliwa wanee wayuu laülaachon yarüttachon asheinchi jumaa jepüwayaain nia jünain waraitta nnojoishi yaleta mayaain nikii jümaa tü warai maakalü julu'u uuche'echonnishaatain tüü no'ukaluirua jumaa kalamaloulein nia, eere nnojoluin ni'rayaain mmapa'akat jutuma joi tüü nülamalo'ukalü. Niakai wanee wayuu keejusu ma'i tü nüsheinkat jumaa jeeju yüi, wane'ere'eja wanee wayuu malerasai nia eere jeenalaataain tü wayuukaluirua jutuma yaruttüin tü nusheeinkat jumaa jeeju nuwaa yüimaajatkat müsia jeeju tü wanülükalu niiyajakalü jünaainje wayuu ayuusuirua.

Jiasa'a wanee ka'i neenajünaka cha'aya wopumuin jutuma wanee wayuuirua süchiimaje'ewoluirua jünainmuin outtajaa wanee wayuu ayuuisu jutuma wanülü, wayuuka ayuuisu jusoso jutuma oonojo waneepia. Taata uyaaliwa wanee wayuu wuinpeje'ewoi eejeworule nejepuse jiasa'a wanee ka'i nu'unaka cha'aya wopumuin jünain tüü ounajitnakat anain nia, jiasa'a cha'aya wopulu nupanapajirakalü numaa wanee wayuu wopujekuwoi cha'awai wuinpumuin nüchikumuin ¿jamaya pia taata? nümaka nümuin, aja tache'e nümaka ¿jalaiwoitta pia joolu'u kakuwatülein taata? numaka numuin, cha'awoire taya süchiimamuin jünain outtaja wanee wayuu ayuuisu jutuma wanülü numaka numuin,