Leiqui Uriana Henríquez
Leiqui del Carmen Uriana Henríquez Shia wanee wayuu, Sijono e'irukulu, Jemeisü Maracaaya 24 eneero'u saa'u juya 1983.
Tü Leiqui Carmen Uliana münakat wayuu siijona. Atüjasü ma’i shia süpülee aainjaa peliikula, chajatü shia atüjain San Antonio de los Baños cha’aya Cuba sulu’u wane eki’irajaale sünain ainjaa peliikula so’opünaa tü eekalü ottooin sümün wayuu (EICRV) sünülia tü ek’irajaaleka. Eeiria joo suuntuin tü a’yatawaaka sünain akumaja shi’iyaakua wayuu.
Sülaülasü shia tü yootoko sulu’u tü yootopüleekat kanüliakalü “Noticiero Indigena” münakat yaaya sulu’u tü shipiaka alijuna ya Marakaaya-Wenesueela. Sülalasü shia Wane a’yatawaa sünain tü eekalü ottaain süimüin wayuu otta aküjajalaa so’opünaa sükuai’pa wayuu. Eejatü shia apashi sünain akumaja tü pelikula: "Pajaros del Verano" ……^ [1] münakat so’u juya (2017). Eetaasü shia a’yataain sünain tü “El regreso al mar de mis muertos” [1] münakat so’u juya(2019). Eetaasüja shia alu’wataain sünain tü ”La semilla del desierto” so’u juya 2023 Maatsoulu. Eeweerü sütüma wane pelikula motsoyütnüü "La memoria de la avispa” [2] sünülia otta müsia wane shi’iyataain cha’aya Ecuador” nümaa chi wayuu Diego Sarmiento münakai so’u juya (2022) Je mapa a’yataasü nüma David Hernández Palmar otta Marbel Vanegas so’u juya (2023) Sünain tü peliikula “buscado las macos de Ashojoshi” münakat.
Wna süma waraittüin shia eki’irajüsü wayuu süka tü sütüjainkat, shiki’irajüin wayuu eekai kamalain namüin tü a’yatawaakat sünain ayujaa shi’iyaakua wayuu, eejatü shia eki’irajüin wayuu sulu’u tü eki’irajüleekat wayuu sünain yootoo kanüliakat “Jayariyu Farias Montiel” münakat, shi’itaain tü palajatkat ainjia peliikuka wayuu cha’aya sulu’u Colombia,”WayuuLab”sünülia so’u juya (2019-2021). O’unüsü namaa waneirua süpü’üya pelikula chamüin Cartagenamüinj wana süma 59 suku’umajünüin pelikula. Wana süma tia cha’aya yapasü sütüna tü e’iyataakat peliikula su’uyaakua wayuu so’u juya2024. Shia kainaajalaka shikii süpüla shi’iyatünüinjatüi tü shi’iyaakuakat wayuu sainküin mma yaaje sulu’uje Wenesueela o(MICIV) sünülia otta sülaüla shia tü ku’uyamatka pelikula kanülikalü Anakaa Films.