Kojosu

Kojosu (alijunaiki: leche fermentada) tü kojosükalü sutuma wayuu wane eküülü ayutnusu sünainje süchira mürülü, jashüüsü seejü, shia süchira paa'a, ka'ula musia anneerü, murülü chaya wajiira, kachirasü main juyaulia aliichajünüsü wattachon musia aliuuka sütüma wayuu, kettapa süchikije süliichajünüin ala'ajünüsü sulu'u japüin süpüla kojoinjatüin shia sou piama kai. Kettapa süpüla asüna akaakajünüsü süka suukala otta paneera muleeka nojolüi kasain saakainjatüin. Anasü nain sou eepa jamü sulu'u noumain shia nee atalajaka naa'in waneepia. Mo'ulu yaa jouluipa sainküin mmakat süpüshuaya tü kamunüinwaakalü eeipa aliichaja eepünalee ein mürülü suutna juya.

Eesü wane pütchi shiyaawatia tü kojosuka sütüma wayuu, shia tü jero'o sümaka wayuu wopüje'ewaliikana. Tü kojosuka wanee eküülü anasü main shiküin wayuu suulia ayuule, anasü nataapa shiipaaya sütüma. Anasü süpüla neküin na tepiichikana. Suttaiwaaya sünain shikünüin julujuttüsü sülee sütüma, anasü mapa kirapa wayuu sünain shiküin.