Kamaneewa

Kamaneewa (alijunaiki: ser bondadoso, amigable, receptivo, colaborador, buena gente) shia sujutu akuwa'ipaaka. Sünain tü wayuwaaka, ekirajaanüshi na tepichikana sünainjee motsoyutnuin naya süpüla mülo'ujanain naya sulu'u tü anaaka akuwa'ipa. Sünainjee tü natüjainka eesü tü a'laüle'eraka aa'in süpüla wayuu shii'iree süchecheraain nakuwa'ipaka.

Jaleejeejatü o'ttuin tü kamaneewaaka

Shia napütaalaka na laülayuukana napüla na achonniikana otta aikeyuukana. Na laülayuukana atamaashi meinshi maalia süpüla yoota namaa süchiki tü ekirajawaaka sulu'u sukuwa'ipaka wayuu. Müsü sukuwa'ipa tü kamaneewaaka otta tü jülüjainjatüka wa'in süpüla anaa. Na wayuukana kamaneeshi ke'iyoupa naya, kapüsü na'in, aainjünüsü süi napüla shii'iree neemeraain otta a'lakajaanüsü eküülü nayaalu'u.

Sujutu tü kamaneewakalü

Tü kamaneewakat sumuin wayuu kojutushantasü aka sukuaipain wayuu sümaiwa,süpüla nashatüin na tepiichikana mo'ulu shia napütüinjatuka na laülayuukanat süpüla wayuu sulu'u noumainpaa.

Kamaneewa sümüin wayuu

Tü kamanewaakaa müsü sa'in wanee washiraa sümüin wayuu.

Nashein naa laulayuukana, tü kamaneewakaa washatüin nanainjee naa wapüshikanairua, eepünalee wayuu namashii naa nachonyukana, nalüinyuu , nasiipünüü, eekalü tepichiin, jimolüin, majayulúin, jimainliin, sünain tü sukua’ipakalü alapajaa, yootirawaa ,miira, a’yatawaa jee eepünalee naya Wattawai, eein joluu natüjüin tü kamaneewakaa.

Ta’irü washiirüin main wanee wayuu nnojolüin kamanee’in shia nnojotsü kojutüin sümüin wayuu. Wayuu kamanee’in apoolojosü kepein süsüin shiiyo’u, atamataasü sünain asakaa eekalü o’unajain so’u , e’itasü einasee ,shiirüi o’utkajawaa eiwajüsü sünain ekiraa wayuu.

Kamaneewaa wanee wawashirüin weinshinjatü wekiirajüin sünainjee tü wayuuwakalü, múinjatü sain eanee waüya , kaa einjatüin shia weinshi wamana, eepünalee waya.