Kache'ewaa sünain pütchi

KACHE'EWAA SÜNAIN PÜTCHI".

tü sünüikaa wayuu aju'inajiraasü paala sümaiwa ayatüinjaatka Shia waneepiain aashajaanüin. Tü pütchi anasükaa anashaanasü saashajaaya, süno'utia Jee sujuntia atumaa, kajutuka'laka Shia yaawa süpa'a mma. Wayuunaiki sünülia sünüiki wayuu. Eeshi Chira wayuu atüjain ma'in aashajawaa, anaatüin suküaipa wane'e kasachiki süpüla anaawain wayuu nutuma, nia chi wayuu pütchipü'ü münanakai. Wanee pütchi anale ma'in, kajutusu atumaa, oonoona amaalü, atüjasü wayuu sünainjee. Anaate'etsü suküaipa wayuu sulu'ujee pütchi, ayaawajaashi wayuu nüchiaanülee süka pütchi anasü. Tü pütchikaa choüjasümain süpüla asakaa, süpüla yootaa natuma wayuu, Wanee Wayuunaiki anasülee saashajaaya eesü kamaneewaa sutuma,anasü süpüla sünaatia akua'ipaa su'utpünaa kasachiki anasü yootaa natuma wayuu su'utpünaa alapajaa, eesü süpüla aanejirawa sünain ayaataajee o'onowaa.

MAIMA SUKÜAIPA TÜ PÜTCHIKAA:

Eesü pütchi süpülajatü ee'irajaa jayeechi, eesü tü süpülajatükaa amaünnajaa, süpülajatüin aküjalaa süchiki wayuu Jee kasakaa süpüshua'a alatüin, müinkaa achiawaa, makatka ekiraajaa tepichi Jee aküjaa suchükua wayuu sümaiwajatü. Tü aküjalaakaa natuma wayuu watta salii suküa'ipa , eesü tü pütchi kama'aitkaa nakumala laülaayuu, eesü tü asheeitajaayakaa Jee tü wattakaa atuma. sukua'ipa tü anoujalaakaa sütüma wayuu, achukuaa Jee akua'ipaa kama'airüin. Aküjünüsü eekai alatüin, eekai atijalaain, eekai aapapajalaain süpüla apaalaajainjatüin Shia weinshi namüin wayuu.tü pütchikaa aju'itakaa natuma naa Wayuu atijashiikana aashajawaa anasü ma'in suchuntìa, ano'utatsü ma'in tü sulu'ukoo aküjalaa, türaa pütchi aju'itakaa saashajapa pütchi süjütayaa wane'e kasa meraajuuin antüin miichipa'amüin.

Tü aküjalaakaa natuma wayuu, e'eree ma'in sunaatüin suchuntìa pütchi süpüla sütüjaanajatüin oo'u kasakaa süpüshua'a makatka suküa'ipa sünüiki lapü, suküaipaa suutajia wayuu ayuuisü sütüma ousutawaa, shi'irain wayuu eekai kama'anain, suchükua pülou, suchükua wanülüú Jee yoluujaa Otta nuchüküa Maleiwa.

Suchükua süchira'a mma, süküjia sünüiki tü wunu'uliakaa, süküjia Shiyoro'olo wuchii, süküjia sünüiki tü wunu'uliakaa saashajaapa sulu'u lapü, sünüiki mmakaa sümüin süchonyuu. Aküjalaa sutuma wayuu. Suchükua chaamaa, suchükua wane'e tu'unai süchiki kasakaa süpüshua'a makatka wuchii'i aliinaalüin.