Kaa'ulaa

Ka'ula (alijunaiki: Cabra) tü ka'ulaka pienchi su'ui, kachesü, kousu, keichisü, keimatüsü, kaleesü, kouwasü, kasisü, koisü süta eesü sulu'u ishotot, palitat, aloukatat, mutsia jee kasutot ekajasü sa'aka mojui otta sawanapaa, pala'achon main antasü ka'ula chaya wajiraje onosü wayuu sümaa

kanchoulee aa'in süpüla miyaasüü eküsü yosu, parulua otta kayusi. Kanchoulesü main süpüla jamü joutaleu atijüsü ekajawa, Kakulaatsesü wunu ashowajirushi.

Kachonsu piantua süpüla juyakat mioupa süchon aliichajünüsü süchira ayajaanüsü nüsüin wayuu arülejüi, akumajünasu keesü süka, tü ka'ulakat alatitsü kasa nulia chi wayuu kamanakai

Apünüsü süpaünain jieyu, otta anaterii sukuaipa kasachiki.

O'utunain shiküin wayuu ekat jutkatüin sünain alapaja jee mira'a ekünüsü nirukü asijushin, jurichin jee kerasüin, otta tü shiyülainka ekünüsü, tü sütaka ka'ula akumajüna shiipoloin kasha, touretain, waimale main kasa anaka nütüma chira mürüt anashijee wayuu ekai kamana.

Kaa'ulachen katunkaraliika

Eeshi wane jintüin arüleejüshi ja'raishii kaa'ulachen. Weinshi wattachon maalü,nüjünaain nürüle'ejüin, soo'püna uuchi müsia motsopa ka'ika nüle'ejirüin miichipa'amüin, shiasa'a wane aliika a'alijiraashi na kaa'ulachenkana,nike'eraayain jintüinkai mache'esalii noojoliishi akutulain sünainjee ekajawaa mojuka'ka naa'in jintüikai nüitkalaka so'u wane ipa sünain Ayala'aja motshi neema nüshi,koulainree taya jashicheechi tashi tamüin,tayeechi o'unitka pümüin nümaka atpanaa nümüin,nnojoliika ja'amüin nümüin atpanaa nümaka'aka a'yalajataachipaja taya mmaa nüitkalaka na'atou jintüikai sünain Ayala'aja.

Eesü süpüla paashaje'erai: Arüleeja