Jolo
Jolo
¿Kasa tü jolo sümaka wayuu?
Jolo shia wanee shiküinpala wayuu, akumajünüsü süka püla'ana , eekai wuittüin irolüin jee ai, jolopa shia kasuusu so'u.
¿Jamüsü sukumajia jolo?
Ayaaijünüsü püla'anaka , eekai wüittüin jee irolüin eittaanüsü sünain oosojoo süpüla ka'i maaka piama jee jarai ka'i eepünalee josoin shia maaka shukenüin checheshanüin .
Jamüsü süla'akajayaa tü joloko?
Josopa tü püla'anaka maaka sainjünüinjatüin suka püla'ana , eesü sainjünüin suka ai , chekusü jososhanüin shia, amolojunusuu , apolojunusu wüin suluu wanee wushu , ajurulüjanüsü saaka yotchón wüin jemian tü joloko , eitana müsüjaa shia saaka tü wuin polootoka , ajurulüjünüsü , maayasüjaa polotoshanüin shia , e'itanüsü süchira pa'a saaka , süchira kaula , nnojolüin tü , e'itanüsü leechii pooteka , leechi wotsakalü tü sukumalaka alijuna , eesü eekalü akakajüin shia suka suukara , eesü eekalü e'itain iichi saaka.
Jaralü asakaa jolo?
Jolo asünüsü sünain jain sutuma laülayuu, jee tepichichein sünain jemian shia, tü joloko jemetashanasü , kaüsüsü tepichi jee laülayuu eekalü asüin shia weinshi, jolo eesü süpüla suu'ujünüin aliuka , jee wattachòn süpüla süsünüin wattawai sutuma tepichi jee laülayuu , ootamusia wayuu eekalü asajüin shia, anashanüsü sütapaa tü tepichicheinkalü sutuma tü joloko.