Epieyuu

Epieyuu (alijunaiki: clan epieyu)

Sukuwaipa wayuu epieyuu , kamaneshi, aipürai wayuu, achecherashi sünain tü sanasienka wayuu

Sülu'u je sukuwaipa wayuu, Tu eiruküka sünainjesü shii wayuu, shiawase müsia apüshii. Tü eirukuka kayawasesü uchii, müsia she'jetsee. Eiruküka tü kamairü, eetajuli pa'alaa sümaiwa. Ache'echera shii wajiira, painwa shia süna´in tü mmaka. Otta aashi nakuwaipa yalejee, na'ayatainsü apünajaka, müsia arüreja. Nalatilüi'in tü nakuwaipa sümu'in nachonyuu. Yalee'jee yala mi'iyou na'anasian.

Epieyuu shi'rukü wayuu kamanesü, ayatalii, kapüsheeshi, lootüsü nakuwaipa, akümajülii sukuwaipa kasa ala'atakalü sülu'u noumain supüla einjatüin tu wayuuwakalü natuma sünainje tü shikirajakana anain alaulayuu.

Naa epieyuukana waima tu mma eejejanakana naya, eeshi eekai cheeje'ewalüi´in palaamu´in, ma´akasa´in Puerto estrella, Puerto Lopez, Siapana, Topia, Nasaret, wopümu´in suna´in uriwia, riwacha. Suka waima nnoumain. Waimasü tü shiiyawasee tu eiruküka, wanee nia waluuseechikai, patajua, wanüwana. Eeta müsia wanee shiawasee eirüka tü, sutuma wayuu, shiaja'a jo'o tü nanüliaka. Musü ma'aya. Epi süna'injesü epia, miichi, müsia yüü, süna'injesü waima wayuu. Eiruküka tu waima süpa'apüna wajiira. Tu wayuu jiet kama'na eirukükat tü, ayatalü, aipülalu süwayuushe, müsia sütolooinyuu . Maakanee chii toolokai ayatai, kojutsü pütchi nümuin, shikiipüsee nüpüshii.