Atalejaa

Aküjala süchikuwa atalejaa kaasha

Jimay atalejushi kaasha

Atalejaa (alijunaiki: toque de kaasha) Shia tü ataletaaka kaasha. E'ikünüshii na jintüichenka sünain atalejaa tepichiiwa’a, nutuma wane wayuu a'alaülaa, ekirajünüshi sünain napainjatüin tü shierakalü kasha.

Chii atalejüikai kaasha nia wane wayuu toolo, eesü atalejüne kaasha saa'ujee wane lapü, müsia suju'itapa wane majayülü süchikü süttaa , saa'u wane mi'iraa aapitsü süntia juya, otta müsia sülatiria wane kasachikü. . Eesa'a tü kaashaka akumajünüsü süka süsa seiwa ootojushi je piamasü uraichi süpüla tü shierakalü.

Sukua'ipa atalejaa

Wayuu atalejushi kaasha sunain mi’ira

Suumainpa'a wayuu eeshi wane atijüshi ma'in süpüla tü atalejaaka. Eesü nüma'ana supüshua'a shipijanaka atalejaa, e'raajünüshii sutuma wayuuirua. Tü shipijanaka akoyotirushi sümaa sukua'ipa suichikana tü mürütkalüirua maka: Suichikana ama, nüwatira samulu, sukua wawaachi otta taitaitachira. Kojuyasü tü sukua'ipakalü atalejaa, eesü kakuain, motsoluin, emetuluin. Atijaka chi atalejüikai. Eesa´a sümaima wane kuenta natuma na atuushinuukali, eejachi wanee wayuu atalejüi, Seeperiia nülia, antüshi nünainmüin chi müshalekai süpüla nütalejüinchi sünain wane mi'iraa.