Outkajawaa

Outkajawaa sutuma wayuu (alijunaiki: Reunión o Reunirse) Tü outkajawaaka sümüin wayuu shia eere sujutkajaain mainma wayuuirua, sutuma wayuu mainma sukua'ipa tu Outkajawaaka , eesu suupuna luma, aipia otta ichii; eere jemiyan ka'i, süpüla wanee yootaa mainma kasa. Eeinjatülee wanee outkajawaa aapitnüsü tü wayuu wachekaka einjatüin sünain tü Outkajawaaka, eenajaanüsü apüshii, jee tü werajüinkalüirua, tü kepiakalüirua wa'ütpünaa.

Müleka achuntaale - amaünnajaale shia, waneere shia anataa sukua'ipa kasachiki. Outkajaasü wayuu eere wanee alapajaa, eere wanee lapü, eere yonna, sünain suju'itia majayüt, sünain suuyase wayuu anaajaain.

Eeinjatüle wanee asalijaa, Outkajasü wayuu palajanaa süpülapünaa süpüla yootirawaa einjatüin suchejaanüin tü sukuai'painjatkaa asalijaakaa. Outkajawaa sümüin wayuu kekiirasü, eesü ekawaa annerü, ka'ula, paa'a, uujolü, roo, püla'ana, ai, pitchuushi, wiirü, shira süsapü annereerü, asijuushi, eesü asawaa chirinchi sutuma tooloyuu, eesü yootoo, eesü eeme'rajawaa, sheitaa.

Sünain Outkajawaa kachiseyaasü tü wayuukalüirua antayaa maka eere wanee outkajawaa shia tü jieyuukalüirua a'lakajaakat tü ekaanüinjatkaa sünain

Tü Outkajawaakaa.

Tü Outkajawaakaa sukuai'pa wayuu woushunuu sümaleeirua süpüla tü kapüshewaa, supula lotuinjatüin tü wayuuwaakaa, supula kamanewaa, supula kaaliijirawaa, jee wanee anaa sutuma wayuu.

Mainma wayuu sünain Outkajawaa eesü ee'in tepichi , jimotnuu , majayutnu , jimalii , ataratnuyuu , jee laulayuu . Eesü jieyuu jeje tooloyuu.

Anaasü ee'in Outkajawaa weinshi sutuma wayuu i supula nashatüin tü sukua'ipaka wachonyukana , wasipünüü jeje waikeyuu , supula nnojolüin motuin shia nain jeje nashatüin Shia wachikümüin wattaka'i.