Mayaapo
Mayaapo (alijunaiki: Mayapo) jia wanee palaa cha'yaa Wajiira kolompiana, e'raajünashaanasü ma'in süka jamüin wulesü tü wuinka otta müsia sutuma kasuutoluin tü jasaika sotpa'a palaaka. Antünusu anain waapünaa jünain Süchimma (Riohacha), süka 17 km, chaa no'upünaa chi juyakai 1984 tü INCORA[1] münaka shikeerotirüin tü mmakalüirua chaapüna sulu'u tü resguardo namakaa naa alijunakana süka jamüin su'umain wayuu.
Su'umainree wayuu cha'aya[1], julu'usu mmakai Manaure otta pejesü sünain mmakai Ichipkii, yalamüin antüsu waneepia wayuu otta müsia alijuna süpüla o'ojaa shiroko palaaka. Tü palaaka cha'aya kamalainshaatasü sükajee anachoin ma'in sulu'u mmapa'akat Kolompia. Anaachonsü sutuma nnojolüin kepian alijuna sa'ato'u, wuleesü waneepia tü wuinka sutuma nnojolüin wasura shiroku, sa'ato'u kepiashii naa wayuukana apalanshi olojutkalüirua jima, otta kamaron. Tü wuinka wuleesü jee müsia jimatüsu waneepia müika cha jepirapünaa.
Mayapo es uno delos municipios más visitado de la Guajira por su atractivo turístico, sus playas, su gastronomía típica, sus ventas de artesanía. Es un sitio donde se puede disfrutar en familia.