Ángel Enrique Arévalo
Angel Enrique Arévalo (Kürooria, 20 outuuwüre no'u chi juya 1954) Jemeishii cha'aya sulu'u wane mma külooria münüsü, pejesü sünain Wajiira, so'u tü ka'ika piamakalü shikii, no'u chi kashikai outuuwüre no'u chi juya 1954, ni'iruku jinnuu müshia chi mürütkai shiyaawatia ni'iruku nia chi walirü. Nii shia tü wayuukalü Juanita Arévalo wane wayuu jinnuu otta nüshi nia Ángel Eduardo Morales.
Nu'wayuuse shia tü wayuukalü Norma Socorro, wayuu yaaje'ewalü Palawaipo'u, nachoin naya Jhan Carlos, Karen, Hailen, Norangela, Luis Felipe, Atahualpa Enrique, Huascar Enrique otta müsia Ángel Eduardo Arévalo.
Tü niyataapü'ükat anain
[anaataa | anaatawaa suurala]Nia ekirajüi
- Ottüshi sünain ekirajaa tepiichi chaya wajiira polumo'u suutna tü juyakat 1979 - 1983.
-Süchikije alataashi suluumuin tü ekirajüleeka Anouja jee talaata Palawaipo'u sünainje 1983 sünainmuin 2010, eere niain shikiipüin tü ekirajüleekat.
- Shikiipüüshi sümaiwa tü akumajapuuka sukuaipa tü miiraka yaa wajiira (junta de promoción y desarrollo de la Guajira) münaaka sou tü juya 1990- 1992.
- Nia eitaaka sükuaipa tü wayuusheinkat sushein tepiichi ekiraashikana ya sulu'u Anouja jee Talaata Palawaipo'u ( Fe y Alegría Paraguaipoa) suutna tü juyakat 1990.
- Eeshii sünain eitaawaa shikii tü ekiraajüleeka Ramón Paz ipuana chaya wajiira, suutna tü juyakat 1992.
- Shikiipüüshi tü awalakajütkat pütchi 100.1 F.M, Guajira poloo piama shiki outuwüre 1998 sünainmuin 2007.
- Ekettaajüshi juya sünain niiyatain sünain ekiraja süpüla oulawaa suulia ayatawaa sou juyakat 2010.
Tü kamalainkat numuin
[anaataa | anaatawaa suurala]Ashajaa süchiki kuenta sükuaipa kasa wajiira sümaiwa, musia süchiki tü kasa alaataapüükat sulu'u woumain. Watta saali kuenta nümaana. Aikalaapüüshi sünain akuentaja namuin naa tepiichi ekiraashikana sulu'u tü ekirajüleeka eere shikipüin nia.
Nükanajaka so'u sükuaipa niayatain.
- Pülaaka sou anainmain sükuaipa niatain, saapajala atkattia de Paez, suutna kai poloo jaralimuin pewüreero juya 1997 .
- Pülaaka sou sujutu naapajala süka niayatain sumuin tü awalakajütkat pütchi Fe y Alegría 100.1 F.M. Guajira, saapajala atkattia de Paez, suutna kai poloo piama shiki outuwüre juya 1999.
- Pülaaka sou niayatain namaa na ekirajaashikana sulu'u Radiofónico Fe y Alegría, saapajala iitpa, suutna kai apunüin shikii setiempüre juya 1994.
- Pülaaka sou niayatain namaa naa majayütnuukana namaa na jimaliikana ekiraajashikana suluu Mision Riiwa aka wachietnuin naya, sou kai poloo mekietsatmuin tisiempüre juya 2009.
- Pülaaka sou niitain nain sünain tü niayatainkat sulu'u tü ekirajüleekat Anouja jee talaata Palawaipo'u ( Fe y Alegría Paraguaipoa) süpüla suwanajain sukuaipa tü natüjalakat naa tepiichikana yaa wajiira, kai waneeshii pewüreero juya 2010.
- Pülaaka sou wattain saali juya niayatain süchirua tü ekirajaaka tepiichi yaa wajiira süpüla süwanajain natüjala, talatüin naya waneepia neerüinjatüin sükajatü tü nukujalakat chi ekirajuikai. Saapajala tü mulousükat shikiipükat tü Oficina Zonal Fe y Alegría Zulia, sou kai apünüin shikii eneero juya 2010.