Akujalaakalü jüchiki Alewolu'u

Alewolú'u jünülia wanee mma anasü ma'in julu'u jeruluulin ma'in jia ka'ayatapünaa, yaaya wuinpumuin nüralo'u chi uuchikai Iitujolu, wanee mma anasü ma'in jüpüla jiraajüinjatüin eere jülatireein ka'i jümaa jüpüshi, juchonnii jümaa jüitkeyuu müsia jütünajutuirua julu'u wayuuin otta müsia julu'u alijunain naya.

Alewolu'u wanee mma pülasü yaaya Makuiratu'u, nüralo'u chi uuchikai Iitujolü, naashin naküjala naa watuushinuukana, taata Male'iwa ayorolojooshi jüma tü waa'inka mule'u mule'u wamapa wantapa julu'u tu wo'uyasekat jüma la'ülawaa jüpüla eeinjatüin waa'in yapainjanain waya jüpüla o'unaa Jepiramüin, ja'a müinjatü tü waa'inkat nümüin chi kaapajalakai wamuin kataa o'u ya'aya jüpa'a mmapa'akalü. Wayakana julu'u wayuuin waya kakoroloshi ma'aka jaa'in tu kakuuna, sattapierü, kurulaashi, ooro, tu'uma, otta müsia tü eekalü wama'ana ya'aya mmapa'a, kettapa tü wakaliakat yaaje ya mmapa'ajee einjatüin jaa'in tü waa'inka jünain tü anaaja tü wokorolokat yaaya mmapa'a jüpüla waikajainjatüin tü kasa korolo anasüin wama'anakat jüpüla wojoitüinjatüin jia ja'aka tü mmaka Alewolu'umuin. Niasa Male'iwa nipeije'erüin tü korolokairüwa nümüin otta jümüin tü wayuu nuchekakalü apuleerua jüpüla jükoroloin jia wattataa ka'i. Tü mmapa'aka Alewolu'u pülasü, kaawainsü jia kokoloninjana waya jümüin chira yootshi jümüin jüpüla malamatüinjatúin jaa'in otta talatüinjatüin jaa'in wamaa otta mataasia kojutuinjatüin jia watuma nnojoluinjatüin washaittajaain jüka.