Kouchirin

Kouchirin wanne wanulü mujulashi, mushikanain yolujaa, ajuitushi sawai saakapuna tuu mujuikat.

Sau wanne kai, etashi wanne wayuuiruwa asaashi chirinchi otta eperuwashi suupuna wane lumaa, niasa wane epetshi nuunaka numuiwaa, suluu nüpünaka nüntiraka nümaa kouchirin, mushi nüpanapa "Kouchirin, Kouchirin, Kouchirin”.

Nayasa naa tepichikana otta napushuwa na wayuukana mushi; "juwataa jupushuwa otta junujula, iseichi kouchirin”

Napaajaaka na wane epetshikana nepialumuin, nuputuka supuna lumaka chi wayuu epetshikai nipiajachikai, niasa wanne nüchon numaka nümuin, "Tashikai iseichi kouchirin jouya punujula paüluumuin nuulia", shiasa nojotsüsee kajutuin nunüiki chi nuchonkai numuin, numaka numuin "Ju'una jiaakana junujula, tayakai yaainjachi suupuna talumase”

Nounjulaaka napushuwa naa nupushikana otta asurüjashi suluu nepia, shiasa mapaa, nülataka kouchirin so'opuna tu lumaka, eejachirre chi eptshikai koulain.

Maali wattachon atamaashi napushuwa otta nerajakaa wayuukai, nüntunaka anain wayuukai sunain outuin nia, naa nupushikana neirakaaka ipunamuin otta nerakaa wane jerottusu ounuin emuin jepira, shia nain chi wayuu epetshikai.