Kaa'ulayawaa

Akumajünüsü ma'aka wanee kashi jüpüleerua juttuin,aapitnushii naa wayuukana shaitajakana,niasa'a chi jujuluwaijachikai aneekünüshi,aashajanamaachi naa jieyukana shaitajakana jüntapa tia kaikat,juttajatkalü a'u tü shaitaka antapashii naa wayuukana mmalia, jia tia müsün, anüüle antüin tü kaikat juttajatka a'u tü shaittakat,katatayaa müsü nemia alüüjakat kepeshuuna, wuirü,keesü,jeero,katsaalia,kayawaata,wayamüt,kayuusuma'a yosuma'a jayajaya,sawa jüjü'ü aliita maimasü tia kettajayaa müsü ja'u tü waneka kashi,ayonnajayaa müsü ayonnajakalia, e'irajayaa müsü e'irajakalia, jimeyaasü jimeyaakalia,aloojoyoyaa müsü a loojokalia. Tü shaitaaka ottusu waneepia aliikawai,wanaa nüma neepeeyeijai ka'ika'ai jia tü jülü'ülapa jüpüla jakütüin shaitaka naa jimaaliikana otta ajuluwaikana e'irajayaa müshii ne'irainrusu nanüiki namüin wayuukana, ji'anee anülee joo ajattüin tü washalira,tajuluwaiche, tapa'iche wayuu jushuwa jüpülajanale joo waya era , 'ajirawaa waneereja jiapa anoiilin mmapa'a ejejatüin watüjain tü shaitaaka, jia mmalia,a'ata pajünüsü jüntapa wane kashi süchikua, alialaa jüchikua aaya'alajaasü wayuu, müliatüsü mmapakat jüchikü jajalajain wane shaitaa anasü.

(MIRIAM RAMIREZ IPUANA)