Kaa'aulayawaa

Ayonnajaa ju'utpuna kaa'ulayawaa

Kaa'aulayawaa (alijunaiki: Juego de las cabritas) Akumajünüsü ma'aka wane kashi, aapitnüshii na wayuu shaittajanakana, aneekünüshi chi süjülüwainjachikai, "anii chi süjülüwainjachikai" münüshii na majayünnüü shaittüinjanakana. Süntapa tia ka'ikat suttajatkalü aa'u tü shaittaakat antapaatshii na wayuukana napushua'a maalia, alialu'u. Otta müsia tü shaittaakat. Kemiashii joo na antüshiikana; kepeshuuna, wüirü, keesü, jero'o, katsaalia, kayawata, wayamüt, ji'irü, kayuusüma'a, yosuma'a, jayajaya, sü'ü aliita, asalaa tulujashi, shi'iruku kaa'ula. Waimainjatü tü eküütkat. kettaainjatü sümaa wane kashi, ayonnajüsü ayonnajakalia, e'irajüsü e'irajakalia, olojüsü olojokalia, o'ttüshii waneepia wanaa nümaa neepeerajaain kai ka'i, sunainmüin maalia. Sülü'ülapa süpüla jakütüin, asaayaa mushii na jima'aliikana namaa na najuluwainkana, ni'irainru'usü nünüiki.

Saajüin laülaayuu, eipiraasü wayuu sünain tü kaa´aulayawaa, majayünnüü otta keirumayüt.

Tü wane Mi´ira sümaiwajatü. Nnojolitpa´a shaitünüin mo´ouluyaa.