Jüchikuwa mma'ala jumaa wanee wayuu jier

Jüchikkua mma'ala jüma wanee wayuu jierü (alijunaiki: Relato sobre maa'ala y una mujer wayuu) jümaiwale'eya ma'i, e'iwa'aya tü pülaakat, mma'ala wanee wayuu jierü anasüche'echonshaata ma'i, eejanale nala jima'aliikana muliashaanain naya ji'ire jüka jamüin anasüche'echon shia. Jiasa'a jia mma'ala jumaiwa wanee wayuu jiet pülashaana a'inru nnojotsü kamaneein namüin naa jima'aliikana müliakana shii're. Jiakali'aya wanee wayuu majayülü jutpuna julu'u mülo'ushaana tü ju'walakat. Tü jiirakayaakat anache'echonsü ma'i, tü ju'upunaakat ishochontaasü jutuma achepajawaa juka pali'ise, pasanuwachonsu jia julu'u ke'inapunachonnin jia jutuma ja'atüin sirapü tepichijeeiwa'aya jia ma'aka jaa'in wanee ware'eyu atumawaa, tü ju'upunachonka anache'echonshaatasü mataasü jaa'in jain wanee amüchi asirajuushi jüka alepu siratataain jia jüka jüchepajaain waneepia jüka tü pali'isekat jumaa juseepüin anneerü jimo'tchon kasuutolu.

Mma'ala jumaleeiwa'aya ma'i jüpülapunaa juwanajaaintüin julu'u wüi jia ma'ulu ya, o'unusu jumuiwa'aya cha anoipünaa jünain arüleejaa annerü, jünain tüü awaralijawaaka jüchiirua mekeerü kamalainshaanasü tüü ipaliraka jorottakalü jumuin jüpüla jukumajuinjatuin jia jüülijanain, jajapunain otta mataasia ju'uliijanain jiaka ka'aka tüü eeka junain jüsi tüü wui mmalakalu ma'ulu ya kepijanachonnin jia. Jiasa jo'u wanee ka'i cha anoipunaa jaapaka nikiisa wanee wayuu Jima'ai muliashaatashi ji'ire, nusaküjaka jümüin, -" muliashaatashii taya pi'ire nii waira" numaka Jümüin " aitchonjeerü pia tapula "numaka jumuin jiasa'a jiakat nnojotsu jaa muin nümüin mo'uyaasalü jüche'e juulia tüü kasa nümakalü eetasüja ma'aka jaain polootua nusakutiya jumuin ji'ire juchekuin nia, nime'ejachon a'inru, jiasa'a jiakalia eme'erajalaasü nuka me'ejala jaaín poushu musu numuin pu'ula taya piiraka'ala tamüin ne'e müsü nümuin nnojotsu taya müliain ni'ire wayuu toolo müsü nümuin jima'aikai. jintuikai mainma nünüiki jumuin watta jaali tüü kasa nukujakalü jumuin ji'ire juchekuin nia jakatsa jiakalia nnojotsu joonoin amaa tüya numaka, jashichisü ne'e nümüin püke'ejalüi ta'in piirakala taka ne'e müsü numuin. Mapa'aya ma'i ürüttaka na'in junain Mma'ala jaali nnojolüin juchekuin nia, pülatalee a'inrüja jia juyouttayaka taya jetseechikasa'a chi wayuu anashi juchekeechikai toulia. anasüja'aya juka juyo'uttuin taya numaka jumaa nuwaanajaain jumüin, "kasataalejasa pulashin taya puanajaaiwa wuira muin joolu'ukana'aya" numaka jumaa nuwaatüin jünain metutshaanain nikiise, jiasa'a yala yala'aya ne'e awanaja, awanaja müsü tü ji'irukukot jinainmüin ju'ui, jüse'eru junainmuin jiki jipula mma'alala jumuinjatuin maulu ya.

Junainje'ereya tüü ju'wanajain ji'iruku makataleesia julu jümüiwa'ain jia jumaa nnojoluin toolomain jia jümaa juyanaashaanain jia jaali tüü kasa alatakat jümuin jaali nnojoluin juchekuin chii jima'ikai jalu'utaalesüja'aya mai taya mayaaka yaa müsü ja'in anasüje toonoole jümaa nünüiki chi jima'ikai paala nojotsujee muin taya ya. jiasa mautpuna ya makataleesia tüü mma'alaka kamalanin jumuin jali'iru'in jia ipa eere jia jüpülajain julu'u mürüluin jia ma'ulu ya junainjee tüü pulaaka aain.