Atkawaa cha'aya Makuira

Etaasü wane atkawaaa cha'aya Wuinpüüin Makuira (Alta Guajira) Atkawaa ma'i süka jatü mmalaa, ayamü'nüshi ma´i na nüsipunuukana Iruawasii. Eejiraashiyaaje Iruwasii süma tü nü'unüükalüirua akatsa wattain ma'i saali no'omüin, ajatta müsüja tü jatü atkayaakat, niakalaka ayamü'ünüin Iruwasii süka chajaruuta osho'olojünüshi nia süka, apütünüshi palatstüin mmolu süka mayein ma'i nia sutuma tü nü'ünüükalüirua. Yalaichija nia palastüin mmolu. Nunta kalaka wane wüi nünainmüin nülapüinru. Pütamaa tachee nümaka wüitkai nümüin sünain yaain nia niatapa'aa ko'oin. Nüso'iraaka a'in Iruwasii sutumaje nünüiki chi wüikai. "Anii chi wunu'u piküinjachikai joolu'u" süka sümüin tia pütchikat, lentüshijase Iruwasii nünainmüin wunu'ukai süpüla niküinjachi nia.niküinjase nüpana chi wunu'ukai süshataka tü nüliokalüirua sütüma tü wunu'uko. Etnushijase nia waraittüin nipialü'umüim, oyoojosüjase tü wayuuirua nü'ünüükalüirua süka yolujain nia naashin, mootshii neema Iruwasii süka nütamaachipai sünainje tü oktaakat, o'unüshii sulu'umüin wane mma naata.